GALEMÉS

 Aí chega o noso mes de maio cargadiño de galego.

SAÍDA AO PASEO FLUVIAL

O xoves, día 16, gozamos dunha marabillosa excursión ao paseo fluvial de Quiroga xunto co noso alumnado de Educación Infantil.

Durante a mañá, os nenos e nenas puideron recoller flores, observar e apreciar a flora da zona, e conectar de maneira directa coa natureza, fomentando así o respecto e o coidado polo medio natural.

Para rematar, compartimos un agradable picnic ao aire libre, cheo de risas, xogos e bos momentos.

Foi unha mañá xenial que sen dúbida lembraremos con moito agarimo!

                                       

XEOPARQUE EN VERDE (CASI)

 Chegamos xa a recuperar virtualmente o 74% do noso Xeoparque en Verde.

Para isto tivemos unha chea de actividades relacionadas coa saúde, a educación ambiental, o patrimonio e o coñecemento do territorio.

Comeza a recta final cara o 100%!!!

XEOMIRADOIROS E CENTRO DE INTERPRETACIÓN DO RÍO SIL

 O pasado martes o alumnado de segundo ciclo disfrutou do bo tempo nunha xornada onde visitaron algúns dos xeomiradoiros do Concello de Ribas de Sil. Alí, acompañados de Roi Sampedro, descubriron a mirar máis aló da paisaxe a través da orografía, os asentamentos humanos e o curso dos ríos.

Tamén visitaron o Centro de Interpretación do río Sil en Torbeo.

Foi unha mañá moi produtiva onde tamén puidemos ver algúns dos efectos dos incendios na zona.

Tomaron boa nota de todo os nosos tres Galerreporteiros do día.

DÍA DA POESÍA

 

Para finalizar o trimestre celebramos o Día da Poesía lendo algún dos poemas sobre temática ambiental e paisaxe premiados no noso concurso escolar “Un xeoparque en verde”. Aquí quedan algunha das imaxes dese evento.

XORNADA DE DEPORTE INCLUSIVO

 Hoxe o alumnado de 5º e 6º gozou dunha fantástica xornada en Lugo participando nunha actividade moi especial organizada pola asociación Enki.

Ao longo do día tiveron a oportunidade de coñecer e probar distintos deportes e vehículos adaptados, achegándose así ao mundo do deporte inclusivo dunha forma práctica, divertida e moi enriquecedora.

Esta experiencia permitiulles comprender mellor a importancia da inclusión, da empatía e da igualdade de oportunidades, ademais de descubrir que o deporte é un espazo para todas as persoas.

Desde o centro queremos agradecer á asociación Enki o seu gran labor e por achegar ao noso alumnado valores tan importantes a través do deporte.

Unha xornada diferente, chea de aprendizaxe, compañeirismo e diversión!

ENTROIDO QUIROGUÉS

Unha vez máis témoslle que agradecer a súa colaboración a Ramón Vila Anca, sempre incansable na defensa e na divulgación do noso patrimonio. Desta vez axudándonos a conectar aos máis cativos cos entroidos perdidos do noso concello.

Nestas xornadas o alumnado aprendeu sobre as tradicións das parroquias da Enciñeira, Bendilló, Os Novais, O Castelo e Quiroga. Ben seguro que houbo moitas máis tradicións nas nosas aldeas das que ata nós chegaron desta vez.

Seguiremos investigando...

Infinitas gracias á familia Vidal que nos cedeu un dos touros orixinais que se conservan, ás xentes da aldea de Bendilló e a Xe e a Ana que compartiron as súas lembranzas directas e indirectas para que puideramos entender a importancia que tiñan estes días de festa.

Viva o entroido! 

O NOSO PDI SAE NA PRENSA

 

PDI: MONTAÑAS DE COUREL, UN XEOPARQUE EN VERDE

 MONTAÑAS DO COUREL: UN XEOPARQUE EN VERDE

Chega outubro e con el chega a presentación do noso PDI (Proxecto Documental Integrado)

A situación de emerxencia vivida no final do verán por mor dos incendios en Galicia, e en especial no noso concello, fixo que considerásemos necesario este curso un estudo centrado na unión da educación ambiental, a valoración do patrimonio e a educación física arredor da contorna.

Disto naceu “Montañas do Courel: Un xeoparque en verde”, un PDI onde o alumnado a través de diferentes actividades conseguirá obxectos neste xogo para eliminar as lapas que asolan Quiroga ata deixalo totalmente verde.

Agardamos que vos guste e que entre todos voltemos ao verde!

FINAL DO PROXECTO: UN TERRITORIO CON MOITA HISTORIA

Chegamos ao fin do noso Proxecto Terra e do noso PDI: Un territorio con moita Historia.

Este curso aprendimos moito da nosa contorna, das edificacións que albergaron a historia da nosa zona, os costumes ou o hábitat a través das épocas…

Todo o que aprendimos decidimos plasmalo nun xogo de mesa ao máis puro estilo do Xogo da Oca e cun protagonista moi especial: o Meco.

Un taboleiro que nos leva polos lugares e protagonistas máis destacados do noso Xeoparque ao longo da Historia.

Aqui tedes o Xogo do Meco en dúas modalidades: unha elaborada polo alumnado de infantil ata terceiro de educación primaria e outra de cuarto a sexto.

Agardamos que vos guste e non esquezades botar unha partida en familia nas versións “en liña”

Taboleiro en liña dos peques

https://view.genially.com/.../interactive-content-o-xogo...

Taboleiro en liña dos maiores

https://view.genially.com/.../interactive-content-o-xogo...

OBRADOIRO DE MOCHILAS CO IMAGOTIPO DO PROXECTO

 Durante o 3º trimestre varios grupos do cole elaboraron mochilas cuxa decoración foi o imagotipo que gañou nas eleccións do 1º trimestre.

OBRADOIRO SOBRE A PREHISTORIA. ED. INFANTIL

O martes, 16, o alumnado de infantil tivo o gran pracer de escoitar a Ramón Vila, quen os transportou á prehistoria contándolles como eran os utensilios que empregaban, como pintaban e como iluminaban as covas. Pasárono moi ben e aprenderon moito!

Premer na imaxe para ver as fotos da actividade:

ROTEIRO LITERARIO. 5ª E 6ª DE EP. DÍA DO LIBRO.

Durante toda a mañá do luns, 15 de abril, o alumnado de 5° e 6° de primaria realizou un Roteiro Literario por diferentes rúas e prazas de Quiroga achegándose ata a igrexa de Hospital. Ao longo do percorrido as rapazas e rapaces foron recitando unha escolma de poemas de diferentes escritoras e escritores quirogueses e doutros que tiveron relación con estas fermosas terras.

Nesta saída contamos, unha vez máis, co acompañamento como guía de Ramón Vila e, ademais, tivemos a gran sorte de contar tamén coa presenza excepcional do historiador Xosé Estévez, que foi amigo personal do escritor Manuel María e de Ernesto Guerra Dacal, así como profundo coñecedor das escritoras e escritores do Roteiro.

Foi un auténtico privilexio contar con estas dúas persoas expertas coas que o alumnado se achegou un pouco máis ao importante patrimonio da nosa contorna.

VISITA A PISCILOR E A MARGARIDE

Coa chegada da primavera e do bo tempo, o alumnado de primeiro e segundo puido facer por fin a excursión prevista para o primeiro trimestre.

Neste caso achegáronse a Piscilor para coñecer máis sobre o ciclo das troitas desde o seu nacemento.

Aproveitaron tamén para entregarlle a Óscar, o encargado, dúas cámaras de fototrampeo para estudar a fauna da nosa contorna.

Despois merendaron en Margaride no campo onde se celebra “A Festa do Ouro” e visitaron As Covas do Medo, algo que lles facía moita ilusión despois de estudar a cultura castrexa e os romanos.

Foi un bo día cheo de historia e xa estamos todos e todas preparados para a seguinte!

Podedes ver as fotos da actividade premendo na imaxe:

DÍA DA POESÍA: CALIGRAMAS

Este curso, para conmemorar o Día da Poesía, utilizamos a técnica do caligrama. Compuxemos un por clase coa temática do noso PDI: Un territorio con moita historia.

VISITA A CASTRO CALDELAS

O martes 19 de marzo, o alumnado de terceiro e cuarto de primaria, realizau a saída desde trimestre. Visitaron o Castelo de Castro Caldelas, onde Noemí, a guía, explicoulles as partes do mesmo e os usos das estancias. Aproveitaron tamén para realizar dous obradoiros moi interesantes: os alumnos e alumnas de terceiro deseñaron o seu propio castelo e os alumnos e alumnas de cuarto, fixeron o propio cun selo medieval inspirándose no que aparece no documento "Foro de Castro Caldelas".

Para a realización do selo, utilizaron plumas de ganso e tinteiros, tal como o farían no medievo.