ANDAINA POLO CAMIÑO DE INVERNO. 3º E 4º DE EP

O venres, 29 de abril, o alumnado de 3°e 4° de primaria desfrutamos dunha inesquecible mañá na nosa saída. Visitamos o pobo de Margaride , descubrindo as súas interesantes covas, así coma os símbolos que engalanan as súas rúas. A continuación, emprendemos a nosa andaina para percorrer un tramo do Camiño de Inverno(Margaride- Barxa do Lor). Fixemos un descanso en Carballo do Lor para comer algo e repoñer forzas. Emprendemos de novo o camiño sentindo moita màgoa polos estragos que fixo o incendio forestal de setembro do ano pasado. E, entre explicacións das nosas mestras é as nosas charlas, chegamos a un lugar que nos sorprendeu: a ponte de Barxa do Lor.

Pasámolo xenial!

Cada vez estamos máis orgullosos de vivir nun entorno tan fascinante.

Podedes ver as fotos da actividade premendo na imaxe:

OBRADOIRO DE ROBÓTICA

Os alumnos e alumnas de terceiro, cuarto, quinto e sexto realizaron ao longo do trimestre "Obradoiros de Róbotica" que se levaron a cabo no "espazo creativo" da biblioteca. O obxectivo destes obradoiros é achegar ao alumnado a linguaxe da programación e a robótica promovendo a alfabetización múltiple, o razoamento lóxico, a aprendizaxe manipulativa e colaborativa. Deixámosvos un video para que poidades ver os seus proxectos, todos eles relacionados coa consecución dos Obxectivos de Desenvolvemento Sustentable da axenda 2030.

CONTANDO CONTOS AOS MÁIS PEQUENOS DO COLE

 Na semana do Día do Libro, alumnos e alumnas de 5º e 6º de primaria contaron contos aos máis pequenos do colexio. Tanto nas súas aulas como na biblioteca os maiores foron uns estupendos contacontos que fixeron as delicias dos máis pequenos.

DÍA DO LIBRO

 Conmemoramos o Día do Libro cunha actividade para o programa INCLÚE-T. O alumnado de 5º e sexto adaptaron o libro infantil  "Catro esquiniñas" a Braille.

ENLACES DE INTERESE PARA CONMEMORAR O DÍA DO LIBRO

 

Curiosidades para conmemorar o Día do Libro:

 https://youtu.be/nT0Xd2d1Qo4

 

Canción para o Día do libro

 https://youtu.be/BCsUYlmmN90

O incrible neno comelibros

https://youtu.be/f7ZFCSCtfuk

O mellor corto do mundo para fomentar a lectura:

https://youtu.be/IQr3DXXvPd0

Día do libro 2020. CEIP de Quiroga

https://youtu.be/_MyQ_JmHG9s

VISITA Á RIBEIRA SACRA

O alumnado de 6º de primaria, acompañado polos mestres Sara e Javier e pola guía Marta, visitaron a Ribeira Sacra: o encoro de Belesar, o Eco-museo e o Castro de Arxeriz e o impresionante meandro do río Miño “ O cabo do Mundo”. Foi unha xornada moi produtiva na que aprenderon moito sobre a paisaxe e a etnografía da Ribeira Sacra.

Para ver todas as fotos preme na imaxe:

BOLETÍN DO TERCEIRO TRIMESTRE

 

COÑECEMOS A FLORA DO PASEO FLUVIAL. 1º E 2º DE EP

O alumnado de 1° e 2° saíron hoxe a visitar o paseo Fluvial do río Quiroga para facer unha actividade de recoñecemento e recolleita da flora da nosa contorna. Foi un día de desfrute ao aire libre para o profesorado e o alumnado.

Premer na imaxe para ver as fotos da actividade:

VISITA Á BIBLIOTECA DE ESTEFANÍA PADULLÉS

Hoxe tuvimos na biblioteca unha actividade organizada pola ANPA. Visitounos a escritora e ilustradora Estefanía Padullés.

O alumnado de primeiro de primaria disfrutou do conto "A manchas ou a raias". O alumnado de segundo, "Max e Lea". Todos aprenderon como se ilustra un conto e como se debuxan os personaxes.

Despois, o alumnado realizou o seu propio conto ilustrado.

Para finalizar, Estefanía adicou os seus libros ao cole.

Premer na imaxe para ver as fotos:

21 DE MARZO: DÍA DA POESÍA

 Conmemoramos o Día da poesía elaborando poemas acrósticos nas clases cos lugares máis representativos do noso concello. Así traballamos a poesía e o PDI: Quiroga na Ribeira Sacra.

Día da Poesía

Click to read this book, made with Book Creator

https://read.bookcreator.com