RECOMENDACIÓNS LECTORAS NADAL 2022

 

CALENDARIO ESTIÑO

Xa temos á venta no colexio o calendario Estiño co que o noso alumnado, a través dos seus debuxos, colabora todos os anos xunto con outros moitos coles. O calendario ten unha finalidade benéfica, pois o recadado é para a ONG AXUNICA (Axuda a Nicaragua).

DECORACIÓN DE NADAL

 Asi loce o cole coa decoración de Nadal.

As postais de Nadal foron feitas coa temática do PDI: Quiroga, terra de ríos

MAQUETAS RÍOS DE QUIROGA

Durante o primeiro trimestre na aula de 4ª de primaria comezamos a coñecer os ríos do noso concello.

Como complemento a este traballo, os nenos e nenas xunto coas súas familias, elaboraron maquetas dalgúns destes ríos, distinguindo as distintas partes do curso dun río, o relevo por onde discorren, as poboacións que atravesan, ...

Esta actividade supuxo, entre outras cousas, acadar unha maior consolidación da parte do currículo correspondente á area de ciencias sociais, a implicación das familias no proceso educativo , descubrir e estudar a nosa contorna próxima para poñer en valor o patrimonio natural co que contamos, os ríos que discorren por terras quiroguesas.

OBRADOIROS DE BOMBAS DE SEMENTE E PEGADAS

 

O luns e martes desta semana estiveron no colexio Franqui Lorenzo e Bibiana Illanes facendo obradoiros con todo o alumnado do colexio. Esta actividade foi proposta e subvencionada pola Asociación do Xeoparque Montañas do Courel. Os obradoiros para 2º e 3º ciclo de primaria consistiron na elaboración de bombas de semente, que son pequenas bolas de arxila seca que gardan no seu interior sementes. É un método para sementar campos ou revexetar terras de monte. Con esta actividade introducímonos nesta técnica dun xeito manipulativo ao mesmo tempo que abordamos a problemática dos incendios nas Montañas do Courel.

En educación infantil e 1º ciclo de primaria os obradoiros consistiron na elaboración de pegadas de animais con escaiola e barro. O obxectivo foi aprender a identificar os rastros de actividade da fauna máis representativa da Serra do Courel.

Moitas grazas á Asociación Montañas do Courel por contar con nós unha vez máis.

Se queres ver todas as fotos preme AQUÍ

 

 

MÚSICA DE RAÍZ. FUNDACIÓN LEGAR

O venres, dia 9, os alumnos e alumnas de terceiro e cuarto de primaria recibiron na biblioteca do colexio a visita de Martina e Xavier Blanco da Fundación Legar, que lles mostraron moitos e variados instrumentos tradicionales galegos. Xunto cos nenos e nenas, tocaron, cantaron, bailaron e divertíronse moito.

A Fundación Legar ten a súa sé na aldea da Seara e naceu co obxecto de difundir e promover a preservación, conservación, mellora, protección, vixilancia e desenvolvemento da música de raíz.

Foi unha experiencia marabillosa a que viviu o noso alumnado. Sen dúbida contaremos en máis ocasións con Martina e Xavier Blanco.

Se queredes ver todas as fotos, premede AQUÍ

DÍA INTERNACIONAL DAS PERSOAS CON DISCAPACIDADE

3 de decembro, Día Internacional das Persoas con Discapacidade.

A inclusión da discapacidade é condición esencial para o respecto aos dereitos humanos, a paz e a seguridade. Non é so unha cuestión de xustiza, senón unha inversión no noso futuro común.

Aproveitamos a data do 3 de decembro para poñernos na pel de persoas con distintas capacidades e analizar as barreiras.

Por un mundo accesible. Hoxe é todos os días do ano.

VISITA AO CIMAR E AO RÍO SIL AO SEU PASO POR SAN CLODIO

Hoxe, o alumnado de quinto e sexto de primaria visitaron en San Clodio o CIMAR (Centro de Interpretación da Minería Aurífera Romana). Alí, Roberto Castro explicoulles aspectos moi interesantes do noso Xeoparque Montañas do Courel e os distintos métodos de extracción do ouro que utilizaron os romanos. Tamén observaron unha reprodución dunha vivenda castrexa. Sen dúbida unha visita moi didáctica e entretida. Moitas grazas a Roberto por facer unha exposición tan científica e amena.

A continuación merendamos na praia fluvial no río Sil.

Seguimos a estudar e poñer en valor o noso territorio.  

Podedes ver todas as fotos premendo AQUÍ

 

 

RELATOS DE SAMAÍN

 Traballamos a creatividade e a expresión escrita do noso alumnado por medio do conto "Queda sitio na vasoira?".

Proxectamos so as imaxes do conto e a partir delas, as nenas e os nenos crearon os seus propios contos. Esperamos que vós gusten, a nós encantáronos.

                                                                                               

.

Escribindo en Samaín

Haz clic para leer este libro hecho con Book Creator

https://read.bookcreator.com

COMEZAMOS O MURAL DO NOSO PROXECTO: QUIROGA, TERRA DE RÍOS

O mural do noso proxecto: “Quiroga terra de ríos” vai tomando forma. Comezaron os máis pequenos de primaria.

DÍA INTERNACIONAL POLA ELIMINACIÓN DA VIOLENCIA CONTRA AS MULLERES

 Día internacional pola eliminación da violencia contra ás mulleres. 

Á violencia non a deixes pasar. 

 

 

25N: INMARCESIBLES

Hoxe, 25 de novembro, Día internacional contra a violencia cara as mulleres, visitounos na biblioteca do colexio Patricia González Vidal, traballadora social do concello de Sober, que presentou ao alumnado de quinto e sexto de primaria, o proxecto INMARCESIBLES. Actividade a prol da igualdade e que pretende realzar a auténtica beleza, mostrando o sexo feminino tal é como é e non como pretenden que sexa os cánones de beleza socialmente establecidos.

 

ACTIVIDADE DE CONSUMO RESPONSABLE

 

Hoxe, 17 de novembro, estiveron na biblioteca do centro dúas traballadoras do Instituto Galego de Consumo (IGC).

Realizaron unha presentación sobre a seguridade dos diferentes elementos do Nadal (xoguetes, decoración...). Traballaron os símbolos de seguridade 0-3 o e marco CE.

Remataron o obradoiro coa elaboración dun boneco de neve. 

 

RECREOS "MOLONES" NA BIBLIOTECA ESCOLAR

Todos os recreos de luns a venres a biblioteca permanece aberta ao alumnado para xogos de mesa, lectura, acceso a internet ...

  Recreos “molones” na biblioteca escolar. Divertímonos e aprendemos!!