ANIMAIS DO XEOPARQUE MONTAÑAS DO COUREL EN LINGUA DE SIGNOS

O día 4 de maio, lanzamos nas redes sociais e na web do colexio o reto de adiviñar os nomes dos principais animais do Xeoparque Montañas do Courel en lingua de signos a traves dunha foto dos mestres e mestras do colexio signando estes nomes.

Hoxe, día 9 publicamos as solucións a este reto. Podedes ver as fotos pulsando no ENLACE

21 DE MARZO. DÍA DA POESÍA

Traballo do alumnado de 6º de EP para conmemorar o Día da Poesía. Poema dedicado ao Xeoparque Montañas do Courel.

ENTROIDO 2020

Este curso o tema dos nosos disfraces de Entroido foi o proxecto documental integrado "Xeoparque Montañas do Courel, un xeoparque moi humano" Podedes ver as fotos do desfile  pola Rúa Real de Quiroga dos osos pardos e ás abellas  do Xeoparque Montañas do Courel premendo na imaxe.
#CourelMountainsUNESCOGlobalGeopark

CONMEMORACIÓN DÍA DA PAZ

O dia 30 de xaneiro conmemoramos o Día escolar da paz e a non violencia. Con este motivo elaboramos un gran mural no que intentamos representar xunto coa paz, os programas nos que traballa o centro: o Xeoparque Montañas do Courel e o programa Inclúe-T; así, o mural representa unha ruta de sendeirismo inclusiva, representada coas mans do noso alumnado formando un camiño coas cores da bandeira LGTBI ; este camiño adéntrase no territorio do Xeoparque Montañas do Courel a través da ruta das aldeas paleozoicas. O Xeoparque está resaltado cunha gran lupa nun mapa mundi!!

Premer na imaxe para ver as fotos

VIDEO SOBRE O XEOPARQUE MONTAÑAS DO COUREL DO ALUMNADO DE 3º DE EP

Xeoparque Montañas de Courel 🏔 🏔. Capítulo II. Nesta ocasión son os alumnos e alumnas de terceiro xunto coa súa mestra, María José, os que nos presentan este marabilloso vídeo. Montaxe de vídeo e edición a cargo da profe Belén!!

PDI: VIDEO SOBRE O XEOPARQUE MONTAÑAS DE COUREL DO ALUMNADO DE 2º DE EP

O CEIP de Quiroga segue a traballar co Xeoparque Montañas de Courel. Nesta ocasión son as alumnas e alumnos de 2º de EP, dirixidos pola súa mestra Ana Isabel, os que nos demostran todo o que saben sobre o noso territorio. Grazas a profe Belén que gravou, editou e publicou o video. Esperamos que vos guste!!

ACTIVIDADES DO PDI SOBRE AS MONTAÑAS DO COUREL

Dentro das actividades do PDI da Biblioteca: "Montañas do Courel, un xeoparque moi humano", elaboramos unha credencial para todos os alumnos e alumnas do centro que terán que ir sellando na biblioteca a medida que vaian realizando actividades en relación ao PDI. Unha vez selladas as 10 casillas o obxectivo estará conseguido: ser expertos coñecedores do Xeoparque Montañas do Courel.

O SAMAÍN E O PDI: MONTAÑAS DE COUREL, UN XEOPARQUE MOI HUMANO

Un ano máis o Samaín chegou ao cole. As cabazas que o alumnado decorou coa axuda das súas familias locen xa no vestíbulo. Son impresionantes e moitas delas terrorificas, outras teñen como tema o Xeoparque. Moitas grazas as familias por colaborar sempre que o colexio llelo pide!!

CHARLA INTRODUCIÓN AO PDI: AS ALDEAS PALEOZOICAS NO XEOPARQUE MONTAÑAS DO COUREL

O venres, día 25, e hoxe, día 29, estivo no colexio Ramon Vila, xeógrafo, director dos museos de Quiroga e gran coñecedor e impulsor do Xeoparque Montañas do Courel. Nesta ocasión falounos das aldeas paleozoicas do territorio do Xeoparque , das distintas eras xeolóxicas da historia da Terra e dos distintos tipo de pedras que se formaron en cada era e coas que están construidas as aldeas do noso territorio. Como sempre, foi unha exposicion súper interesante e didáctica!! Gracias, Moncho, unha vez mais!!!

Premendo na imaxe accédese ao album de fotos da actividade

MONTAÑAS DE COUREL. UN XEOPARQUE MOI HUMANO. SAÍDA DO ALUMNADO DE 1º E 2º DE EP A ALDEA PALEOZOICA DE FROXÁN

Seguimos explorando o territorio do Xeoparque Montañas do Courel. Hoxe o alumnado de primeiro e segundo de primaria, acompañados das mestras Ana Isabel, Vania e Lorena visitaron a aldea paleozoica de Froxán , unha caleira en Vilar, a Ferrería de Seoane e a oficina de turismo de Folgoso de Courel. Foron acompañados por Guillermo Díaz Aira, quen os guiou e ilustrou coas súas explicacións!!

‪#CourelMountainsUNESCOGlobalGeopark

Enlace a FOTOS

CURSO 2019-2020. NOVO PDI: MONTAÑAS DE COUREL. UN XEOPARQUE MOI HUMANO

Comenzamos o curso 2019- 2020 e con el un novo Proxecto Documental Integrado no noso centro. Dende o Equipo de biblioteca tentaremos impulsar e dinamizar este PDI que leva por título: "Montañas de Courel. Un Xeoparque moi humano" Nesta aventura  contaremos coa  estreita colaboración do Equipo de Dinamización da Lingua Galega, do Equipo de Actividades Complementarias e Extraescolares e de todas as titoras e mestres/as especialistas do centro. Todos unidos pola defensa, conservación, apoio e posta en valor do territorio onde todos vivimos: o Xeoparque Montañas do Courel.

A continuación publicamos o folleto que recolle as actividades propostas polo equipo de biblioteca para este primeiro trimestre.