OBRADOIRO DE DANZA TRADICIONAL CON PERSPECTIVA DE XÉNERO

O pasado mes, da man de Branca Villares pasamos un ratiño aprendendo sobre danza tradicional desde unha perspectiva de xénero. Grazas á ANPA por ofrecernos esta oportunidade.

XORNADA DE DEPORTE INCLUSIVO

 Hoxe o alumnado de 5º e 6º gozou dunha fantástica xornada en Lugo participando nunha actividade moi especial organizada pola asociación Enki.

Ao longo do día tiveron a oportunidade de coñecer e probar distintos deportes e vehículos adaptados, achegándose así ao mundo do deporte inclusivo dunha forma práctica, divertida e moi enriquecedora.

Esta experiencia permitiulles comprender mellor a importancia da inclusión, da empatía e da igualdade de oportunidades, ademais de descubrir que o deporte é un espazo para todas as persoas.

Desde o centro queremos agradecer á asociación Enki o seu gran labor e por achegar ao noso alumnado valores tan importantes a través do deporte.

Unha xornada diferente, chea de aprendizaxe, compañeirismo e diversión!

8M: OBRADOIRO DE CORRESPONSABILIDADE

 

Con motivo da conmemoración do Día Internacional da Muller, o alumnado do centro participou nunha actividade moi especial titulada “Olimpiadas de corresponsabilidade”, organizada polo Centro de Información á Muller do Concello de Quiroga.

A través de diferentes xogos e dinámicas, os nenos e nenas reflexionaron sobre a importancia de compartir e colaborar nas tarefas do fogar, promovendo valores como a igualdade, o respecto e a corresponsabilidade no día a día.

Nesta xornada tamén contamos coa visita da concelleira de Igualdade, Mayte Pérez Grao, quen quixo acompañar ao alumnado durante a actividade.

Foi unha xornada participativa e moi enriquecedora que nos axuda a seguir educando en igualdade desde idades temperás. Moitas grazas ao Centro de Información á Muller do Concello de Quiroga, a Esther e a Marisa, pola súa implicación e por achegar esta iniciativa ao noso centro.

DÍA DA PAZ

 A pesar de que a choiva non nos permitiu celebrar a carreira solidaria no Día da Paz, finalmente puidemos levala a cabo con moita ilusión e participación.

Todo o alumnado e o profesorado do centro uníronse nesta actividade solidaria para colaborar coa ONG Save the Children, demostrando unha vez máis o noso compromiso cos valores de solidariedade, esforzo e convivencia.

Grazas a todas as familias pola súa colaboración e apoio, e parabéns a todo o alumnado pola súa implicación. Xuntos demostramos que cada pequeno paso conta para construír un mundo mellor.

CHARLA ASOCIACIÓN ARELAS

 O noso centro tivo o privilexio de recibir a Cristina Palacios, educadora da Asociación ARELAS.

Impartiu unha charla sobre diversidade afectivo-sexual e familiar, igualdade de oportunidades e de prevención do acoso LGTBIfóbico dirixida ao alumnado de 5º-6º de primaria e obradoiros para o resto do alumnado de primaria sobre diversidade afectivo-sexual e familiar e Igualdade de oportunidades.

21 DE MARZO: DÍA INTERNACIONAL DO SÍNDROME DE DOWN

Celebrando xuntos á diversidade. 21 de marzo “Día internacional do Síndrome de Down “.

#DiversosPeroIguales

#diamundialsindromededown

8 DE MARZO: FÍOS DE MULLER

 Actividade de bordado polo Día da Muller.

DÍA DA PAZ: CARREIRA SOLIDARIA "SAVE THE CHILDREN"

Un ano máis, e xa van vinte, o día 30 de xaneiro, Día Escolar da Paz e a non Violencia”, participamos na carreira solidaria a favor da ONG “Save The Children”. Esta vez a recadacion foi de 635,54 €. O xornal El Progreso fíxose eco desta actividade. Queremos expresar a nosa gratitude ás familias pola súa colaboración nesta iniciativa solidaria!

OBRADOIRO SOBRE VIOLENCIA DE XÉNERO E NOVO CONTEXTO DIXITAL

O Centro de Información á Muller do Concello de Quiroga organizou un obradoiro sobre "Violencia de xénero e novo contexto dixital", que foi impartido por Pantallas Amigas. Esta actividade estivo financiada pola Dirección Xeral da loita contra a violencia de xénero, da Xunta de Galicia.

DÍA DA DISCAPACIDADE

 O día 3 de decembro celebramos o Día Internacional da discapacidade. Durante esa semana realizamos con todosos cursos diversas actividades de sensibilización, nas que nos poñiamos no lugar das persoas con algunha discapacidade. Fixemos talleres sensoriais e xogamos aos xogos paralímpicos da Boccia e o voleibol sentado.

OBRADOIRO DE MINDFULNESS

 O alumnado de 6º de primaria tivo hoxe a última sesión , das catro programadas, do obradoiro de mindfulness, ioga, meditación guiada e psicoloxía positiva. Nelas os rapaces e rapazas tiveron a oportunidade de coñecer e poñer en práctica ferramentas paraxestionar as súas emocións, mellorar a concentración e fomentar unha actitude positiva.

DIA INTERNACIONAL CONTRA A VIOLENCIA MACHISTA

Para conmemorar o Día Internacional contra a Violencia Machista, as traballadoras do Centro de Información a Muller do concello de Quiroga estiveron no colexio o xoves e o venres da semana pasada para realizar unha serie de actividades de concienciación sobre esta lacra social. As nenas e nenos de infantil e primaria, axudados por Esther, Marisa e as súas mestras, elaboraron pancartas con distintos debuxos e lemas conmemorativos. Con esas pancartas hoxe desfilamos todos e todas pola Rúa Real ata a casa consistorial, onde tivo lugar unha concentración de repulsa contra a violencia cara as mulleres. A continuación a concelleira de igualdade deu lectura a un manifesto, despois representantes de todas as clases de primaria leron os textos reivindicativos de cada clase.

Podedes ver as fotos da actividade premendo na imaxe:

ACTIVIDADE DE IGUALDADE: ESPAZOS COHABITADOS

Durante este mes tivemos a visita de Branca de Outonía coa súa “Incubadora de espazos cohabitados”. Mediante esta actividade subvencionada pola ANPA todo o alumnado do centro recibiu obradoiros sobre igualdade e diversidade, afondando no concepto de corpo-territorio como inicio da relación das crianzas consigo mesmas e coa contorna.

PROMOCIÓN DA IGUALDADE ENTRE HOMES E MULLERES

Na segunda semana de outubro, durante tres días tieveron lugar as actividades destinadas a promoción da igualdade entre homes e mulleres e a prevención e loita contra a violencia cara as mulleres. Estes obradoiros foron conseguidos pola ANPA a través dunha subvención destinada a tal fin. Foron Impartidos pola empresa Outonía.

PLAN DIRECTOR: CHARLAS SOBRE IGUALDADE E ACOSO ESCOLAR

Hoxe, día 2 de outubro, pola mañá o alumnado de 5° e 6° de primaria tivo a oportunidade de asistir a dúas charlas: unha sobre acoso escolar e otra sobre igualdade. Ambas as dúas forman parte do Plan Director da Garda Civil para a mellora da convivencia e da seguridades nos centros educativos. Foron impartidas por Héctor Méndez, psicólogo da Garda Civil, que mediante a súa amena intervención, fixo que o alumnado estivese moi atento e participativo nas situacións que plantexaba.

Queremos darlle as grazas por informarnos e formarnos nestes temas de tanta importancia.