CHARLA FUNDACIÓN OSO PARDO

Está mañá, Ana Isabel Fernández, da Fundación Oso Pardo, estivo no colexio impartiendo charlas a todo o alumnado do centro sobre o oso pardo. A Fundación Oso Pardo é unha ONG constituída en 1992, co obxectivo de contribuir ao estudio e conservación do Oso Pardo, así como do seu hábitat e seu entorno natural e cultural. No noso territorio traballan co proxecto Life Oso Courel 

ANDAINA POLA DEVESA DA ROGUEIRA

Os alumnos e alumnas de quinto e sexto de primaria acompañados dos mestres/as, María José, Javier e David, e de Guillermo Díaz Aira, de Tourgalia, fixeron onte unha andaina pola Devesa da Rogueira e visitaron o Val das Mouras, ambos lugares no concello de Folgoso de Courel. Con esta actividade preténdese que os nenos e nenas coñezan e valoren o marabilloso territorio no que viven: o Xeoparque Montañas de Courel.

EXCURSIÓN DE EDUCACIÓN INFANTIL AO VAL DAS MOURAS

As nenas e os nenos de educación infantil exploraron hoxe o territorio Xeoparque Montañas de Courel. Acompañados/as das súas mestras e do arqueólogo Iván Alvarez Merayo visitaron o Val das Mouras e outros lugares de interese. Aprenderon moito da nosa marabillosa paisaxe, pasárono moi ben e o tempo axudoulles moito.

DEPORTES NO TERRITORIO XEOPARQUE MONTAÑAS DO COUREL

O profesor de educación física, Rafa, impartiu unha interesante charla, na biblioteca do cole, sobre os deportes que se practican no territorio Xeoparque Montañas de Courel. Foi unha actividade que interesou moito a alumnos/as e mestres/as. Moitas grazas, Rafa!!

DÍA DA POESÍA

21 de marzo, Día Internacional da Poesía. As alumnas e alumnos de quinto e terceiro de primaria demostraron ser grandes poetas e adicaron os seus poemas ao Territorio Xeoparque Montañas do Courel.

PROXECTO XEOPARQUE MONTAÑAS DE COUREL E O ENTROIDO

O venres, día 1 de marzo, celebramos o Entroido e, como non podía ser menos, tendo como protagonista ao noso PDI, apoiando a candidatura a Xeoparque Mundial da UNESCO das Montañas do Courel. Fomos vestidos de exploradores estudosos do territorio. Recorrimos a Rúa Real, acompañados dun gran oso do Courel e portando unha gran pancarta que nos acreditaba como estudosos do Xeoparque. O noso traxe estaba composto por chaleco, gorro, prismáticos e unha chapa conmemorativa. Esperamos que vos gustase tanto como a nós.
#CourelMountainsUNESCOGlobalGeoaprkProject

PDI XEOPARQUE MONTAÑAS DO COUREL. MURAL DO DÍA DA PAZ

Hoxe, 30 de xaneiro, conmemoramos o Día escolar da paz e a non violencia, e como non podía ser doutro xeito, o noso mural da paz ubicouse no Xeoparque Montañas do Courel. No colexio imaxinamos un territorio onde todas as especies convivimos en paz: homes , mulleres, osos , lobos, aguias, raposos, ovellas, esquíos, serpes etc. Por unha convivencia en paz no Territorio Xeoparque Montañas de Courel!! Aprendamos a convivir en harmonía todos xuntos!!

O NOSO PROXECTO SOBRE O XEOPARQUE MONTAÑAS DO COUREL NOS XORNAIS

Xornal La Voz de Galicia 28/12/2018

Xornal El Progreso 20/01/2019