OBRADOIRO DE DANZA TRADICIONAL CON PERSPECTIVA DE XÉNERO

O pasado mes, da man de Branca Villares pasamos un ratiño aprendendo sobre danza tradicional desde unha perspectiva de xénero. Grazas á ANPA por ofrecernos esta oportunidade.

8M: OBRADOIRO DE CORRESPONSABILIDADE

 

Con motivo da conmemoración do Día Internacional da Muller, o alumnado do centro participou nunha actividade moi especial titulada “Olimpiadas de corresponsabilidade”, organizada polo Centro de Información á Muller do Concello de Quiroga.

A través de diferentes xogos e dinámicas, os nenos e nenas reflexionaron sobre a importancia de compartir e colaborar nas tarefas do fogar, promovendo valores como a igualdade, o respecto e a corresponsabilidade no día a día.

Nesta xornada tamén contamos coa visita da concelleira de Igualdade, Mayte Pérez Grao, quen quixo acompañar ao alumnado durante a actividade.

Foi unha xornada participativa e moi enriquecedora que nos axuda a seguir educando en igualdade desde idades temperás. Moitas grazas ao Centro de Información á Muller do Concello de Quiroga, a Esther e a Marisa, pola súa implicación e por achegar esta iniciativa ao noso centro.

8 DE MARZO: FÍOS DE MULLER

 Actividade de bordado polo Día da Muller.

8 DE MARZO: FÍOS DE MULLER

Ensinámosvos o proceso destes días de bordado. Actividade que está sendo moi significativa para todos e todas. Proximamente no noso cole “ FÍOS DE MULLER”

Todo o alumnado do colexio bordou palabras suxerentes do Día da Muller.

Ver esta publicación en Instagram

Una publicación compartida de Biblioteca CEIP de Quiroga (@biblio_ceipdequiroga)

DÍA INTERNACIONAL DA MULLER E A NENA NA CIENCIA

Hoxe o alumnado de 6° de primaria do CEIP de Quiroga tivo a oportunidade de realizar unha saída á aldea de Seceda. Alí, xunto co alumnado do CEIP de Ribas de Sil, CPI Uxío Novoneyra de Courel e IES de Quiroga, levaron a cabo varios obradoiros para coñecer mellor o Xeoparque Montañas do Courel. As actividades desenvolvéronse en torno ás rochas, ás construcións en pedra, aos fósiles, á orixe das montañas, ... A observación, a manipulación, a experimentación, a recollida de datos,... foron o eixe de cada un dos obradoiros.

Rematados estes, xuntáronse todos os grupos para o xantar ofrecido polos organizadores da actividade.

Unha xornada moi proveitosa na que o alumnado puido profundizar no coñecemento da contorna ao mesmo tempo que foi unha boa maneira de celebrar o día da Muller e da Nena na Ciencia.

Preme na imaxe para ver as fotos:

OBRADOIRO SOBRE VIOLENCIA DE XÉNERO E NOVO CONTEXTO DIXITAL

O Centro de Información á Muller do Concello de Quiroga organizou un obradoiro sobre "Violencia de xénero e novo contexto dixital", que foi impartido por Pantallas Amigas. Esta actividade estivo financiada pola Dirección Xeral da loita contra a violencia de xénero, da Xunta de Galicia.

DIA INTERNACIONAL CONTRA A VIOLENCIA MACHISTA

Para conmemorar o Día Internacional contra a Violencia Machista, as traballadoras do Centro de Información a Muller do concello de Quiroga estiveron no colexio o xoves e o venres da semana pasada para realizar unha serie de actividades de concienciación sobre esta lacra social. As nenas e nenos de infantil e primaria, axudados por Esther, Marisa e as súas mestras, elaboraron pancartas con distintos debuxos e lemas conmemorativos. Con esas pancartas hoxe desfilamos todos e todas pola Rúa Real ata a casa consistorial, onde tivo lugar unha concentración de repulsa contra a violencia cara as mulleres. A continuación a concelleira de igualdade deu lectura a un manifesto, despois representantes de todas as clases de primaria leron os textos reivindicativos de cada clase.

Podedes ver as fotos da actividade premendo na imaxe:

ACTIVIDADE DE IGUALDADE: ESPAZOS COHABITADOS

Durante este mes tivemos a visita de Branca de Outonía coa súa “Incubadora de espazos cohabitados”. Mediante esta actividade subvencionada pola ANPA todo o alumnado do centro recibiu obradoiros sobre igualdade e diversidade, afondando no concepto de corpo-territorio como inicio da relación das crianzas consigo mesmas e coa contorna.

PROMOCIÓN DA IGUALDADE ENTRE HOMES E MULLERES

Na segunda semana de outubro, durante tres días tieveron lugar as actividades destinadas a promoción da igualdade entre homes e mulleres e a prevención e loita contra a violencia cara as mulleres. Estes obradoiros foron conseguidos pola ANPA a través dunha subvención destinada a tal fin. Foron Impartidos pola empresa Outonía.

CONMEMORAMOS O DÍA DA MULLER

Con motivo do Día Internacional da Muller visitounos na biblioteca, Sonia, avogada, traballadora do Centro de Información á muller de Trives e nai de Leo Vázquez Jiménez. Impartiu unha charla sobre igualdade ao alumnado de quinto e sexto de primaria, seguida dun coloquio e a proxección de varias curtas. Os nenos e as nenas estiveron moi participativos e interesados no tema. Moitas grazas, Sonia, pola túa aportación na concienciación do noso alumnado con motivo da conmemoración do Día da Muller.

8M: MULLERES NO MUNDO DIXITAL

Para conmemorar o Día Internacional da Muller o tema da ONU para este ano 2023 foi: “Por un mundo dixital inclusivo: Innovación e tecnoloxía para a igualdade de xénero” Con este motivo os nosos nenos e nenas investigaron sobre mulleres que aportaron moito ao mundo das novas tecnoloxías, pero igual que noutros ámbitos foron ignoradas pola historia. Resaltamos a figura de Ángela Ruíz Robles, a mestra galega “Dona Angelita” inventora do primeiro libro dixital, antecedente do ebook, no año 1949.

CHARLA PLAN DIRECTOR

 

Onte visitounos na biblioteca Héctor, psicólogo formador da garda civil, que impartiu dúas charlas (acoso escolar e igualdade) ao alumnado de quinto e sexto de primaria. Esta actividade forma parte do Plan Director para a convivencia e mellora da seguridade nos centros educativos. Héctor soubo enganchar ao alumnado nas súas explicacións e mostráronse moi atentos e participativos. Moi necesarias este tipo de actividades.

DÍA INTERNACIONAL POLA ELIMINACIÓN DA VIOLENCIA CONTRA AS MULLERES

 Día internacional pola eliminación da violencia contra ás mulleres. 

Á violencia non a deixes pasar. 

 

 

25N: INMARCESIBLES

Hoxe, 25 de novembro, Día internacional contra a violencia cara as mulleres, visitounos na biblioteca do colexio Patricia González Vidal, traballadora social do concello de Sober, que presentou ao alumnado de quinto e sexto de primaria, o proxecto INMARCESIBLES. Actividade a prol da igualdade e que pretende realzar a auténtica beleza, mostrando o sexo feminino tal é como é e non como pretenden que sexa os cánones de beleza socialmente establecidos.

 

OBRADOIRO DE ROBÓTICA

Os alumnos e alumnas de terceiro, cuarto, quinto e sexto realizaron ao longo do trimestre "Obradoiros de Róbotica" que se levaron a cabo no "espazo creativo" da biblioteca. O obxectivo destes obradoiros é achegar ao alumnado a linguaxe da programación e a robótica promovendo a alfabetización múltiple, o razoamento lóxico, a aprendizaxe manipulativa e colaborativa. Deixámosvos un video para que poidades ver os seus proxectos, todos eles relacionados coa consecución dos Obxectivos de Desenvolvemento Sustentable da axenda 2030.

25 DE NOVEMBRO, DÍA INTERNACIONAL CONTRA A VIOLENCIA MACHISTA

 25 de novembro o alumnado de quinto e sexto de fronte contra a violencia machista!!

Adaptación da canción de Rozalén: A loba

25 DE NOVEMBRO DIA INTERNACIONAL DA ELIMINACIÓN DA VIOLENCIA CONTRA AS MULLERES

 Murais conmemorativos do 25 N

25 DE NOVEMBRO: Día Internacional contra a violencia machista

Deixamos enlaces de cortos para traballar a violencia de xénero nas aulas: 

https://rz100arte.com/la-mejor-animacion-6-cortos-hablar-violencia-genero-aula/ 

Tamén catro libros recomendados pola Asesoría de Bibliotecas Escolares neste día: 

- "Oliver Button é unha nena". Tomie De Paola.

 - " Marta e a píntega", Eli Ríos.

 - "Penúltimas tendencias" Carlos Negro

 - "Madialeva", Ana Moreiras

CHARLAS DE EDUCACIÓN SEXUAL E DIVERSIDADE SEXUAL

Os días 19 e 26 desde mes de novembro os médicos sexólogos Miguel e Estefanía do Gabinete Otero Piñán de Lugo estiveron no cole dando charla de educación sexual e diversidade sexual a todos os cursos de primaria. Importantísima e necesaria a educación sexual no noso alumnado.