venres, 17 de decembro de 2021

MURAL: QUIROGA NA RIBEIRA SACRA

O alumnado do colexio aprende a ubicar Quiroga dentro da extensa comarca da Ribeira Sacra, a través deste gran mural que colgamos no descanso das escaleiras de acceso ao 1º andar.




 

xoves, 16 de decembro de 2021

PODCAST: TERROR NA RIBEIRA SACRA

 Hoxe presentámosvos un podcast realizado con contos terroríficos que ocorren en espazos da Ribeira Sacra e que foron creados polo alumnado.

 



mércores, 15 de decembro de 2021

COÑECENDO AS ÁRBORES DA RIBEIRA SACRA

Descubrir, coñecer, investigar, valorar a nosa contorna: 

QUIROGA NA RIBEIRA SACRA.

Este é o título do PDI do noso colexio que nos serve para coñecer mellor e identificar gran variedade de árbores dos bosques que nos arrodean, tanto de fraga coma de devesa.

O alumnado de 3º e 4º de primaria comezamos facendo unha investigación sobre o tipo de árbores que poboan os nosos bosques e repartímolos para o seu estudo. Elaboramos unha ficha coas características principais, o seu aproveitamento e usos e curiosidades desas árbores. Tamén realizamos unha saída de campo para observalas e diferencialas. E, por último, compuxemos un lapbook cos nosos traballos, como resumo da nosa investigación.






martes, 7 de decembro de 2021

ADIVIÑAS DO OUTONO

As nenas e os nenos dos cursos de primaria recompilaron adiviñas do outono, logo foron expostas en dúas das árbores máis características da nosa contorna: o castiñeiro e o carballo.








 

mércores, 1 de decembro de 2021

25N DESEÑOS 3D

 O alumnado de 5º volveu a poñerse mans á obra coa impresión 3D, esta vez con motivo da conmemoración do Día Internacional da Eliminación da Violencia contra a Muller. Fixeron os seus deseños en Tinkercad. Aquí tedes o resultado!








martes, 30 de novembro de 2021

25 DE NOVEMBRO, DÍA INTERNACIONAL CONTRA A VIOLENCIA MACHISTA

 25 de novembro o alumnado de quinto e sexto de fronte contra a violencia machista!!

Adaptación da canción de Rozalén: A loba




A CONTACONTOS SABELA GAGO ACTÚA NA BIBLIOTECA

 Odía 23 de novembro, estivo nos biblioteca do colexio a actriz e contacontos Sabela Gago que fixo as delicias do alumnado de terceiro e cuarto de primaria!!

Preme na imaxe para ver todas as fotos:



xoves, 25 de novembro de 2021

25 DE NOVEMBRO: Día Internacional contra a violencia machista

Deixamos enlaces de cortos para traballar a violencia de xénero nas aulas: 

https://rz100arte.com/la-mejor-animacion-6-cortos-hablar-violencia-genero-aula/ 

Tamén catro libros recomendados pola Asesoría de Bibliotecas Escolares neste día: 

- "Oliver Button é unha nena". Tomie De Paola.

 - " Marta e a píntega", Eli Ríos.

 - "Penúltimas tendencias" Carlos Negro

 - "Madialeva", Ana Moreiras

luns, 22 de novembro de 2021

MES DA CIENCIA NA BIBLIOTECA ESCOLAR

Durante o mes de novembro conmemórase o mes da ciencia na biblioteca. Con este motivo, o alumnado de 5º de EP construiu unha maquetas do sistema solar e o alumnado de 6º de EP maquetas de volcáns. Con estas maquetas fixemos unha exposición  na biblioteca que foi visitada por todos os grupos. No caso dos volcáns os alumnos/as de 6º explicaron o seu funcionamento  dun xeito práctico, facendo que explosionaran ante os nenos e nenas










domingo, 21 de novembro de 2021

VISITA A MARGARIDE. Proxecto: Quiroga na Ribeira Sacra

 O venres, día 19, os alumnos e alumnas de sexto acompañados polas súas maestras Ana e Sara, viaxaron ata Margaride, onde foron recibidos por Pablo e Sandra, da Bodega EDV, unha das adegas mais importantes da denominación de orixe Ribeira Sacra. Pablo foi un perfecto anfitrión que explicou aos nenos e nenas todo o proceso de elaboración do viño. Visitaron unha viña e a adega, en ambos lugares Pablo fixo unha magnífica e amena explicación sobre un produto tan importante na nosa zona como é o viño, transmitindo o amor que el sinte polo seu traballo. Tamén visitaron a zona “romana” de Margaride, o escenario da marabillosa Festa do Ouro. Alí Pablo explicou ao alumnado o proceso de extracción do ouro que usaban os romanos, e incluso entraron nas minas, o que foi moi emocionante para eles; logo, fixeron unha cata de aromas; e, por último, Pablo fixo unha exposición con proxección de diapositivas sobre a historia do viño e a súa relación cos Camiños de Santiago, e máis concretamente co noso Camiño de Inverno. Sen dúbida foi unha gran experiencia. Dende o colexio queremos agradecer a Pablo e Sandra a súa acollida e a súa dedicación cara o noso alumnado.

Podedes ver todas as fotos premendo na imaxe:



martes, 26 de outubro de 2021

A TÉCNICA DO ESGRAFIADO EN 1º E 2º DE EP

Sabedes o que é un esgrafiado? O noso alumnado de primeiro e segundo estivo traballando esta técnica decorativa que aparece en moitos lugares da Ribeira Sacra. Fixeron un esgrafiado ao seu gusto sobre un debuxo inspirado na Casa do Carteiro de Montefurado. Unha das casas máis bonitas do percorrido do Camiño de Inverno no noso concello. Espectacular!

 





mércores, 20 de outubro de 2021

REINTERPRETACIÓN DOS MURAIS DE QUIROGA DO AUTOR MON DEVANE

Os alumnos e alumnas de segundo de primaria traballaron a temática do Camiño de Santiago e a Ribeira Sacra a través das olivas da nosa zona. Xogaron coas súas cores favoritas para reinterpretar os debuxos dos murais de Quiroga do autor Mon Devane, coas súas caras. Aquí podedes ver parte dos seus traballos.






PRIMEIROS PASOS EN SCRATCH

 O pasado venres, os nenos e nenas de 5º de EP deron os primeiros pasiños na programación en Scratch. Buscaron diferentes escenarios, personaxes e iniciaronse na linguaxe da programación. 

Tamén empregaron os lápices 3D para comezar a diseñar a súa mascota de aula, a vaca "Vaquigrina". 

Estade atentos! Pronto ensinaremos o seu diseño





.

venres, 15 de outubro de 2021

CREDENCIAL PARA O PROXECTO: QUIROGA NA RIBEIRA SACRA

Presentamos as redenciais que teñen que encher os alumnos/as do cole para acadar o título de experto no proxecto "Quiroga na Ribeira Sacra"

martes, 12 de outubro de 2021

PROXECTO DOCUMENTAL INTEGRADO. CURSO 2021-2022: QUIROGA NA RIBEIRA SACRA

 Este curso que comenzamos traballaremos cun novo PDI titulado: "Quiroga na Ribeira Sacra" con el pretendemos  que a comunidade educativa coñeza o patrimonio da nosa contorna inmediata desde unha visión integradora e vinculada ao territorio e que, de xeito participativo, contribúa á súa conservación e difusión e idee estratexias de recoñecemento público e promoción dos seus recursos. Deste xeito, constitúe unha estratexia contextualizada para a valorización e preservación deste patrimonio a longo prazo e, polo tanto, de desenvolvemento sustentable. 

Este proxecto impulsado dende o Equipo de Biblioteca será traballado por todas as titorías e especialidades do colexio, dentro dun programa de Educación Patrimonial do Plan Proxecta da Consellería de Educación.





luns, 11 de outubro de 2021

CHARLA SOBRE NOVAS TECNOLOXÍAS DO PLAN DIRECTOR DA GARDA CIVIL

O mércores, día 6 de outubroa, estivo no colexio Ramón Peña, formador da garda civil da comandancia de Lugo, quen impartiu unha charla ao alumnado de quinto e sexto de primaria sobre os perigos das novas tecnoloxías. Esta actividade enmárcase dentro do Plan Director para a convivencia e mellora da seguridade nos centros educativos. Sen dúbida foi unha charla moi interesante e moi necesaria para o alumnado destas idades.