DINÁMICA: MÚSICA DE RAÍZ. FUNDACIÓN LEGAR

O alumnado de 5º e 6º de primaria disfrutou na biblioteca dunha animada dinámica a cargo de Martina e Xavier da Fundación Legar, os que lles ensinaron gran variedade de instrumentos musicais que fabricaban os nosos antepasados cos materiais que nos proporciona a natureza. 

Durante esta actividade, os nenos e nenas puideron coñecer máis sobre a música étnica, folk e de patrimonio cultural, grazas a esta entidade formada para difundir, promover e preservar a música de raíz.

Podedes ver as fotos premendo na imaxe

CONSTRUÍMOS CIRCUITOS ELÉCTRICOS

 Na tarde do martes 23 de maio, o alumnado de terceiro e cuarto de EP, realizou un obradoiro para construir un circuito eléctrico seguindo as instrucións dadas por Ángel, pai dun alumno deste centro e técnico electricista de Iberdrola que traballa no encoro de San Martiño.

Ademais de instruirnos en como realizar o circuito, Ángel falounos do seu traballo e como se fabrica enerxía eléctrica coa auga dos encoros dos ríos, neste caso coa auga do río Sil. Moitas grazas Ángel!!

PROBAMOS FROITAS EXÓTICAS

 No cole de Quiroga tivemos a visita de Julio Ferrín, propietario da tenda "As 3 en cunca". Explicou ao alumnado que é o comercio de proximidade, a importancia e o impacto que ten na nosa vila.

Despois ofreceunos unha cata de froitas moi particulares: a pitahaya, a carambola, o tamarindo e o phisalys. O alumnado, ademais de aprender de que pranta ou árbore viñan, probaron todas! E repetiron!

Ata comimos unha flor (de hibisco) que sabía a chuche!

Moitas grazas pola túa visita, Julio!

ENTREGA DE PREMIOS "DÍGOCHO EU"

 Os nosos nenos e nenas coas súas profes estiveron en Santiago, na Cidade da Cultura, recollendo o premio do concurso de vídeos "Dígocho eu". Neste concurso participaban centros de toda Galicia.

Podemos ver as fotos premendo na imaxe:

DÍA DAS LETRAS ALEGAS PREMIO "DÍGOCHO EU". QUIROGA TERRA DE RÍOS

O colexio participou no concurso de videos do programa da TVG "Dígocho Eu", onde obtivemos o premio especial do xurado na categoría de vídeos gravados polos propios centros de primaria. 

O noso video titulábase "Aprendemos a falar dos ríos con xeito" e forma parte do noso PDI: Quiroga, terra de ríos

"INFOGRAFÍA INTERACTIVA"

                                                      

Hai unhas semanas, os nenos e nenas de cuarto, acompañados de compañeiros e compañeiras de sexto, aprenderon a usar as placas makey makey. Ao longo daquel obradoiro pensaron varias utilidades. Unha delas foi a de facer unha infografía dos ríos de Quiroga interactiva, dotandoa de son. Así,  aqueles nenos do cole que non saben ler, tamén teñen a posibilidade de entender a parte escrita. Pois ben, aquí tedes o resultado. Están encantados!

EXPOSICIÓN DO "OBRADOIRO DE COLLAGE E FOTOGRAFÍA" DE MARK RITCHIE.

 

Marabilla de exposición co produto final do obradoiro no que participaron os alumnos e alumnas de primerio, segundo e terceiro de primaria. Creatividade en estado puro!