ACTIVIDADES 2º TRIMESTRE

 

OBRADOIRO SOBRE VIOLENCIA DE XÉNERO E NOVO CONTEXTO DIXITAL

O Centro de Información á Muller do Concello de Quiroga organizou un obradoiro sobre "Violencia de xénero e novo contexto dixital", que foi impartido por Pantallas Amigas. Esta actividade estivo financiada pola Dirección Xeral da loita contra a violencia de xénero, da Xunta de Galicia.

Nezha Robot Kit e Historia Interminable

Cando mesturamos motivación e lectura conseguimos actividades moi significativas e engadimos un compoñente máis ao pracer de ler e adentrarnos en novas historias. Neste caso un robot apareceu na nosa biblio, comprobamos que estaba programado cunha Microbit e que se accionábamos un pulsador botábase a andar. Fixémolo e levounos a un conto para ler na nosa aula e a partires deste, crear outras marabillosas historias.  

COLABORACIÓN COA BIBLIOTECA PÚBLICA MUNICIPAL: CREAMOS POEMAS DE NADAL

 A proposta da Bibblioteca pública, participamos nun concurso de poemas de Nadal. O maiores do colexio, convertíronse en magníficos poetas. Aquí tedes unha mostra do seu talento literario.