O PODER DO BRINDO

O alumnado de 5º e 6º de primaria do CEIP de Quiroga participou no obradoiro “ O poder do brindo” impartido por Nuria Penas e Manoele Pardo, dentro do programa Enregueifate.
A actividade desenvolveuse a través do proxecto de normalización lingüística impulsado conxuntamente polos tres concellos do Xeoparque Montañas do Courel: Quiroga, Ribas de Sil e Folgoso do Courel.
Unha experiencia para xogar coas palabras, potenciar a expresión oral e achegarse á tradición galega desde a creatividade e a improvisación.

OBRADOIRO DE CREACIÓN DE PASATEMPOS

O pasado venres 18, o alumnado de 6º de Educación Primaria participou nun divertido e creativo obradoiro de elaboración de pasatempos, impartido pola escritora Celia Díaz Núñez.

Ao longo da actividade, as nenas e os nenos puxeron a proba a súa imaxinación, creatividade e coñecementos para crear os seus propios pasatempos, ao tempo que gozaron da lingua galega dunha maneira lúdica e participativa.

A actividade foi organizada polo Departamento de Normalización Lingüística do Concello de Quiroga, ao que agradecemos esta iniciativa e a oportunidade de achegar o alumnado á creación literaria e ao uso do galego.

Moitas grazas, Celia, por compartir connosco a túa creatividade!

MURO DAS VERBAS: A TOPONIMIA

ENTROIDO QUIROGUÉS

Unha vez máis témoslle que agradecer a súa colaboración a Ramón Vila Anca, sempre incansable na defensa e na divulgación do noso patrimonio. Desta vez axudándonos a conectar aos máis cativos cos entroidos perdidos do noso concello.

Nestas xornadas o alumnado aprendeu sobre as tradicións das parroquias da Enciñeira, Bendilló, Os Novais, O Castelo e Quiroga. Ben seguro que houbo moitas máis tradicións nas nosas aldeas das que ata nós chegaron desta vez.

Seguiremos investigando...

Infinitas gracias á familia Vidal que nos cedeu un dos touros orixinais que se conservan, ás xentes da aldea de Bendilló e a Xe e a Ana que compartiron as súas lembranzas directas e indirectas para que puideramos entender a importancia que tiñan estes días de festa.

Viva o entroido! 

PREAPARANDO O ENTROIDO

 

EDUCACIÓN AMBIENTAL CON ANXO MOURE

 Sempre estamos encantados de recibir a Anxo Moure que veu pasar esta xornada coa cativada de infantil. Este venres ficaron abraiados e abraiadas e por uns intres entraron no máxico mundo do Contacontos entre relatos, ecoloxía e tolerancia. Grazas ao proxecto “Un mundo mellor para as nosas crianzas” de FADAS Lugo, subvencionado pola Deputación de Lugo e a Papaventos Educación Ambiental.

MISIÓN MURO DAS VERBAS

 

CELEBRAMOS O MAGOSTO

  Celebramos o Magosto no cole!

Hoxe gozamos dun día moi especial compartindo risas e ricas castañas asadas. Foi unha xornada chea de alegría na que mantivemos viva unha das tradicións máis fermosas da nosa contorna.

Grazas como sempre a Ramón que nos asou as castañas nos tambores seguindo o xeito de facelo dos nosos ancestros .

BOOKTRAILER "RELATOS CURTOS DE SAMAÍN"

 Despois de facer uns relatos curtos moi terroríficos, chegou o momento de representalos. O alumnado seguindo os pasos para a elaboracón dun booktrailer, creou decorados, vestiario e un pequeno quión. puxéronse mans á obra e coa cámara na man deron sentido aos seus escritos. Ollade o proceso e parte do resultado. 

SAMAÍN NO COLE

                                                       

           

                                                          

 Chegou o Samaín e no noso cole xa estamos cos preparativos. Este ano espantaremos os nosos medos decorando os corredores con “Qui-Ta- Medos” . Aquí vos deixamos toda a información.

Estamos desexando ver as vosas creacións

DESEÑAMOS O LOGO DO COLEXIO

 Necesitábamos un logo do colexio urxentemente para unha actividade solidaria que pronto vos contaremos. Os nenos e nenas de 6º de primaria puxéronse mans a obra e crearon uns magníficos deseños inspirados no territorio. Estes foron os finalistas. O último foi o elexido!! Que grandes artistas!!

PDI: MONTAÑAS DE COUREL, UN XEOPARQUE EN VERDE

 MONTAÑAS DO COUREL: UN XEOPARQUE EN VERDE

Chega outubro e con el chega a presentación do noso PDI (Proxecto Documental Integrado)

A situación de emerxencia vivida no final do verán por mor dos incendios en Galicia, e en especial no noso concello, fixo que considerásemos necesario este curso un estudo centrado na unión da educación ambiental, a valoración do patrimonio e a educación física arredor da contorna.

Disto naceu “Montañas do Courel: Un xeoparque en verde”, un PDI onde o alumnado a través de diferentes actividades conseguirá obxectos neste xogo para eliminar as lapas que asolan Quiroga ata deixalo totalmente verde.

Agardamos que vos guste e que entre todos voltemos ao verde!