luns, 3 de xuño de 2024

PRESENTACIÓN DO LIBRO "ANIMAIS FANTÁSTICOS DE ALDEA"

Hoxe visitounos na biblioteca Andrea García Martínez, que nos presentou o seu libro “Animais fantásticos de aldea” cuxa acción transcorre na aldea de Froxán. Este libro foi lido polo alumnado de quinto de primaria no segundo trimestre, xa que forma parte do Proxecto Lector do Centro. Moitas grazas Andrea por facernos pasar un rato tan agradable!!






mércores, 29 de maio de 2024

ELECTRÓNICA E ARTE CREANDO O BORRANCHOBOT


 Día de moita enerxía na nosa biblio! Os alumnos e alumnas de primeiro, segundo e terceiro, desfrutaron dun obradoiro impartido por Almu de Competencia Dixital. Coñeceron o funcionamento dos circuitos eléctricos para crear o seu propio BOT. Decorárono ao seu gusto e puxérono a funcionar para facer un "BORRANCHOBOT" colectivo. Coma sempre a colaboración entre eles e a creatividade foi a tónica desta actividade. Ollade a marabilla de resultados pero sobre todo, a cooperación dos procesos. 







martes, 28 de maio de 2024

OBRADOIRO DE MOCHILAS CO IMAGOTIPO DO PROXECTO

 Durante o 3º trimestre varios grupos do cole elaboraron mochilas cuxa decoración foi o imagotipo que gañou nas eleccións do 1º trimestre.







martes, 21 de maio de 2024

OBRADOIRO CREACIÓN BOOKTRAILER

 O alumnado de 4º de primaria, desfrutou dun obradoiro de Booktrailer organizado pola Biblioteca Creativa. Roi, profesional da comunicación audiovisual, foi o encargado de guiarnos ao longo de todo o proceso. Non so puxeron en práctica habilidades de comunicación, resolución de conflictos ou cooperación, senon que tiveron que usar a creatividade para poder levar a cabo a actividade. 

Durante toda a xornada asumiron diferentes roles como a representación, gravación ou edición que lle axudaron a crear o seu booktrailer. 

Foi unha gran experiencia da que seguro que sacaremos proveito!
















xoves, 16 de maio de 2024

LETRAS GALEGAS 2024

 Hoxe conmemoramos o Día das Letras Galegas cun sinxelo acto no patio cuberto. Para comezar o alumnado de sexto de primaria interpretou o Rap das Letras Galegas; a continuación, o alumnado de infantil leu a biografía de Luisa Villalba, a autora homenaxeada este ano; seguiron os distintos cursos de educación primaria lendo fragmentos da súa obra en prosa; a continuación o alumnado de quinto recitou un poema da autora; e para finalizar, todos e todas cantamos o himno galego.

Premer na imaxe para ver as fotos.




martes, 7 de maio de 2024

O RAP DAS LETRAS GALEGAS

Os alumnos e alumnas de 6º de primaria crearon un RAP dedicado ao Día das Letras Galegas, que interpretarán no acto que se celebrará o próximo 16 de maio:



AS FAMILIAS CONTAN CONTOS

Para conmemorar a semana do libro, algunhas nais e pais de educación infantil achegáronae á nosa biblioteca para contar contos ao alumnado de educación infantil. Grazas a todos e todas os que se animaron e fixeron pasar momentos marabillosos aos nosos peques (mamás de Enzo, Eiden, Xiana, Lucía, Noa e Ángel; e papás de Lucía e Melina) moitas grazas!!

Fotos da actividade premendo na imaxe: