8M: MULLERES NO MUNDO DIXITAL

Para conmemorar o Día Internacional da Muller o tema da ONU para este ano 2023 foi: “Por un mundo dixital inclusivo: Innovación e tecnoloxía para a igualdade de xénero” Con este motivo os nosos nenos e nenas investigaron sobre mulleres que aportaron moito ao mundo das novas tecnoloxías, pero igual que noutros ámbitos foron ignoradas pola historia. Resaltamos a figura de Ángela Ruíz Robles, a mestra galega “Dona Angelita” inventora do primeiro libro dixital, antecedente do ebook, no año 1949.

DÍA DE ROSALÍA

 Rematado e colgado o mural de Rosalía de Castro que comezamos o día 23 de febreiro, Día de Rosalía. Participaron na súa elaboración todos os alumnos e alumnas do colexio. As técnicas empregadas foron: collage, témpera e lettering. Quedou moi ben!!

Podedes ver todas as fotos premendo AQUÍ

FAUNA DOS RÍOS DE QUIROGA

Comezamos este segundo trimestre no 2º ciclo, a profundizar no coñecemento dos ríos do noso concello e a súa fauna.
Partindo da infografía elaborada no 3º e 4º nivel, onde aparecen reflectidos os principais animais que poboan os nosos ríos, o alumnado elaborou debuxos dos mesmos para ir complentando o mural do PDI deste curso.
A partires destes debuxos, os compañeiros de 5º e 6º de EP, elaborarán os códigos QR que conterán a información detallada de cada un

deles.

ENTROIDO: MANDADOS DA XACIA

 Comezamos o Entroido. Este ano é unha xacia do río quen nos dá as consignas diarias. A xacia foi elaborada por todos os cursos do cole. Quedou ben guapa!

 

CHARLA PLAN DIRECTOR

 

Onte visitounos na biblioteca Héctor, psicólogo formador da garda civil, que impartiu dúas charlas (acoso escolar e igualdade) ao alumnado de quinto e sexto de primaria. Esta actividade forma parte do Plan Director para a convivencia e mellora da seguridade nos centros educativos. Héctor soubo enganchar ao alumnado nas súas explicacións e mostráronse moi atentos e participativos. Moi necesarias este tipo de actividades.

INFOGRAFIAS MURAL PROXECTO TERRA DE RÍOS

 Os nenos e nenas de 5º e 6º de EP estiveron investigandosobre a fauna dos ríos de Quiroga para despois elaborar infgrafías. Ademais de aprender sobre a contorna, adentráronse no uso de novas aplicacións como Canva. Aquí tedes unha mostra dalgunhas delas, que mediante un código QR formarán parte do mural colaborativo do cole: Quiroga, terra de ríos.

OBRADOIRO DE LETTERING E MURAL DA PAZ

 A semana do 23 ao 27 de xaneiro, tivo lugar na biblioteca do colexio un obradoiro de lettering coordinado por Pili, mestra encargada da biblioteca e Jeni, mestra coordinadora do EDLG. Con este obradoiro elaboráronse as follas de oliveira con palabras coa temática da paz, que posteriormente penduraron da oliveira que formaba parte do mural do Día da Paz, no que participaron todos os nenos e nenas do centro