PANORÁMICA DO CAMIÑO DE INVERNO

Tras unha laboriosa tarefa de composición e montaxe, por fin podemos amosar o ben que loce o Camiño de Inverno no vestíbulo do cole.
No seu trazado incorpora tanto as localidades de final de etapa como aqueles monumentos máis representativos do patrimonio cultural e paixasístico.

LIMPEZA DUN TRAMO DO CAMIÑO DE INVERNO

Continuamos a facer actividades sobre o noso Proxecto Documental Integrado sobre o Camiño de Inverno. Hoxe tocou saír da biblioteca e do colexio para limpar un tramo do Camiño de Inverno. Disto encargouse o alumnado de 5º e 6º de primaria acompañados polos seus mestres/as.

DÍA DA POESÍA

21 de marzo, día internacional da poesía. Recital de poemas a cargo dos alumnos e alumnas na biblioteca do colexio. Premendo no seguinte enlace podedes acceder aos vídeo-poemas.   https://photos.app.goo.gl/lkNbI9x6qE23uvsm2.

Fotos PDI: Camiño de Santiago de Inverno

Xa temos as fotos do "photo call" tomadas na biblioteca, onde todos os alumnos e alumnas saíron caracterizados como peregrinos. No seguinte enlace podedes velas por clases:
http://www.edu.xunta.gal/centros/ceipquiroga/node/798

DIA INTERNACIONAL DA MULLERr

Conmemoramos O Día da Muller coa nosa Árbore da Igualdade. Grazas ao Centro de Información a Muller do Concello de Quiroga que organizou esta estupenda actividade de concienciación entre o noso alumnado.

SEMANA DA PRENSA

Conmemoramos a semana da prensa. Traballamos con xornais nas aulas, fixemos unha exposición na biblioteca con exemplares aportados por mestres/as e alumnos/as e os máis pequenos traballaron co conto “O homiño de papel” e xornais.

PREMIO BIBLIOTECA PROVINCIAL DE LUGO

A alumna de 4º de primaria María Vila Rochela obtivo o premio provincial de poesía de Nadal que convoca a Biblioteca Provincial de Lugo. Maria resultou gañadora na fase local e despois tamén na fase provincial do certame. Esta actividade  forma parte da colaboración habitual que a Biblioteca do CEIP mantén coa Biblioteca municipal.

Parabéns María!