SEMANA DA PRENSA NA BIBLIOTECA

Do 6 ao 10 de marzo os centros educativos galegos celebramos a 29º edición da Semana da Prensa na Escola, unha iniciativa instituida oficialmente dentro do calendario escolar en 1989. No CEIP Quiroga realizamos diversas actividades ao redor desta iniciativa entre a que vós achegamos a realizada polos alumnos de sexto curso que realizaron un taller sobre os xornais.

MAQUETAS CASTREXAS E ROMANAS

Xa estamos a recibir as primeiras creacións dos nosos alumnos, aquí podedes ver unhas mostras. Recordamos que tedes ata final de mes de marzo para presentar as vosas maquetas.

BOLETÍN 2º TRIMESTRE 2017

Xa está dispoñíbel o boletín da biblioteca para o segundo trimestre: CASTREXOS E ROMANOS.

CONTACONTOS

Hoxe tivemos, na nosa biblioteca, a visita da actriz e contacontos Raquel Queizás quen nós contou dúas fábulas que fixeron a delicia dos alumnos de 3º, 4º, 5º e 6º de E.P.

Éste é o cuarto ano que contamos coa presenza de Raquel na nosa biblioteca e sempre é un pracer contemplar as súas actuacións.

BOLETÍN NADAL 2016

Aquí podedes descargar o boletín

https://drive.google.com/open?id=0B-_zv2ttIVlxcVFPWEM4UWNlblU

Ambientamos a nosa biblioteca cunha porta de entrada moi peculiar.

Buscamos libros, filmes e outros documentos sobre o tema. Ata a nosa mascota Lily vestíuse de romana como corresponde. Estache ben fermosa...

PROXECTO DOCUMENTAL INTEGRADO: "CASTREXOS E ROMANOS"

Este curso, dende a biblioteca do CEIP de Quiroga, impulsamos o proxecto documental integrado (PDI) "Castrexos e romanos". O punto de partida do noso proxecto foron unha serie de charlas impartidas aos alumnos e alumnas polo técnico de cultura do concello e director dos museos da vila, Ramón Vila Anca.
Ramón guiounos, a través dunha serie de diapositivas comentadas por el, polos vestixios castrexos e romanos da nosa contorna. Os alumnos e alumnas  aprenderon a valorar o noso valioso patrimonio castrexo-romano, que para a maioria deles era descoñecido.