RECOMENDACIÓNS LECTORAS. DECEMBRO

 

SAÍMOS CANTAR OS REIS

 Saímos polas rúas de Quiroga a cantar os Reis de xeito tradicional.

MES DA CIENCIA

En novembro conmemoramos o mes da ciencia

O alumnado de Infantil preparou unha mostra de experimentos para os nenos e nenas de Primaria

Un momento cheo de curiosidade, aprendizaxes e moita ilusión.

Foi xenial ver como compartían coñecemento e entusiasmo pola ciencia!

Porque lembrade… non é maxia, é ciencia!

25N. DÍA INTERNACIONAL CONTRA A VIOLENCIA MACHISTA

Con motivo do día Contra a Violencia Machista, as traballadoras do Centro de Información á Muller do concello trasladáronse ao colexio para impartir o obradoiro “ASÍ TRATAMOS BEN, ASÍ NON TRATAMOS A NINGUÉN”. Aproveitando a data, agasallaron aos nenos e nenas cunha bufanda tubular térmica.

CHARLA PLAN DIRECTOR

 Hoxe o noso alumnado de 5º e 6º de Primaria participou nunha charla moi especial dentro do Plan Director da Garda Civil.

O tema central foi o acoso escolar, unha realidade que debemos previr e combater entre todos. Os estudantes aprenderon a identificar estas situacións e a importancia de pedir axuda e apoiar aos seus compañeiros.

Actividades coma esta reforzan valores de respecto, empatía e convivencia, fundamentais para medrar nun entorno seguro e positivo.

MISIÓN MURO DAS VERBAS

 

CELEBRAMOS O MAGOSTO

  Celebramos o Magosto no cole!

Hoxe gozamos dun día moi especial compartindo risas e ricas castañas asadas. Foi unha xornada chea de alegría na que mantivemos viva unha das tradicións máis fermosas da nosa contorna.

Grazas como sempre a Ramón que nos asou as castañas nos tambores seguindo o xeito de facelo dos nosos ancestros .

SAMAÍN NO COLE

                                                       

           

                                                          

 Chegou o Samaín e no noso cole xa estamos cos preparativos. Este ano espantaremos os nosos medos decorando os corredores con “Qui-Ta- Medos” . Aquí vos deixamos toda a información.

Estamos desexando ver as vosas creacións

DESEÑAMOS O LOGO DO COLEXIO

 Necesitábamos un logo do colexio urxentemente para unha actividade solidaria que pronto vos contaremos. Os nenos e nenas de 6º de primaria puxéronse mans a obra e crearon uns magníficos deseños inspirados no territorio. Estes foron os finalistas. O último foi o elexido!! Que grandes artistas!!

OBRADOIRO DE RECICLAXE

 Obradoiro de reciclaxe da man de Andrea Gonzalez Río, creadora de Tropic Gaia unha horta chea de froitas do mais variadas. Desta volta o programa “Da granxa á escola” solicitado pola ANPA ofreceunos a posibilidade de que o alumnado de primeiro ciclo traballase no propio cole.

O obradoiro consistíu en coñecer Tropic Gaia, a importancia de coidar a nosa contorna, coñecimos e reflexionamos sobre as7 R e recibimos como obsequio un conto bolecha sobre os cultivos.

A segunda parte do obradoiro foi máis práctica, onde o alumnado por grupos prantaron diferentes prantas (tomiño , albáfega, coandro …) o cal terán que coidar e trasplantar máis adiante, intentando facer un guiño aos incendios deste verán.

                                             

VISITA Á CASA DA FONTE

 No día de hoxe o alumnado de segundo ciclo viviu unha xornada moi enriquecedora en “Casa da Fonte”, en Pantón.

Alí desfrutaron vendo de cerca cabalos, vacas, porcos… e ata un pavo real!

A ANPA ofreceunos a posibilidade de realizar esta actividade dentro do programa “Da Granxa á Escola” onde ademais de achegarnos ao mundo animal e á gandería ecolóxica, o alumnado puido desfrutar dun obradoiro onde elaboraron a súa propia manteiga.

O NOSO PDI SAE NA PRENSA

 

PDI: MONTAÑAS DE COUREL, UN XEOPARQUE EN VERDE

 MONTAÑAS DO COUREL: UN XEOPARQUE EN VERDE

Chega outubro e con el chega a presentación do noso PDI (Proxecto Documental Integrado)

A situación de emerxencia vivida no final do verán por mor dos incendios en Galicia, e en especial no noso concello, fixo que considerásemos necesario este curso un estudo centrado na unión da educación ambiental, a valoración do patrimonio e a educación física arredor da contorna.

Disto naceu “Montañas do Courel: Un xeoparque en verde”, un PDI onde o alumnado a través de diferentes actividades conseguirá obxectos neste xogo para eliminar as lapas que asolan Quiroga ata deixalo totalmente verde.

Agardamos que vos guste e que entre todos voltemos ao verde!

OBRADOIRO DE REGUEIFAS

O venres, día 26, o alumnado de 5º e 6º de primaria participou, xunto co alumnado do CEIP de San Clodio, nun obradoiro de regueifas organizado polo departamento de normalización lingüística do concello de Quiroga. O obradoiro foi impartido polos regueifeiros: Luís “O Caruncho” e Pinto d’Herbón.

Foi unha actividade, ademáis de didáctica, moi divertida!