Hoxe, conmemorando o Día Mundial do Libro, que se celebrou onte, desplazámonos todos ata a Casa de Cultura para ver un espectáculo da Maga Sargantana. Os nenos e as nenas pasárono moi ben, especialmente os máis peques. Moi agradecidos ao Concello de Quiroga por programar estas actividades culturais en horario lectivo para que os podan desfrutar todos os nenos e as nenas.
Premer na imaxe para ver as fotos:
O martes, 16, o alumnado de infantil tivo o gran pracer de escoitar a Ramón Vila, quen os transportou á prehistoria contándolles como eran os utensilios que empregaban, como pintaban e como iluminaban as covas. Pasárono moi ben e aprenderon moito!
Premer na imaxe para ver as fotos da actividade:
Durante toda a mañá do luns, 15 de abril, o alumnado de 5° e 6° de primaria realizou un Roteiro Literario por diferentes rúas e prazas de Quiroga achegándose ata a igrexa de Hospital. Ao longo do percorrido as rapazas e rapaces foron recitando unha escolma de poemas de diferentes escritoras e escritores quirogueses e doutros que tiveron relación con estas fermosas terras.
Coa chegada da primavera e do bo tempo, o alumnado de primeiro e segundo puido facer por fin a excursión prevista para o primeiro trimestre.
O martes 19 de marzo, o alumnado de terceiro e cuarto de primaria, realizau a saída desde trimestre. Visitaron o Castelo de Castro Caldelas, onde Noemí, a guía, explicoulles as partes do mesmo e os usos das estancias. Aproveitaron tamén para realizar dous obradoiros moi interesantes: os alumnos e alumnas de terceiro deseñaron o seu propio castelo e os alumnos e alumnas de cuarto, fixeron o propio cun selo medieval inspirándose no que aparece no documento "Foro de Castro Caldelas".
.jpg)
.jpg)
O martes, día 5 de marzo, os alumnos e alumnas de 5°e 6° de primaria viaxaron á cidade de Ponferrada para visitar o Museo da Enerxía e o castelo. No museo coñeceron as súas instalacións, que foron no século pasado unha central térmica, e cuxo funcionamento lles explicaron; e tamén, levaron a cabo un obradoiro de construción dunha máquina simple: un boneco seguindo unhas instrucións.
Este curso, para conmemorar o Día Internacional da Muller, traballamos coa técnica de tecido de Victoria Villasana sobre retratos de mulleres relevantes da nosa localidade. Podemos ver o resultado premendo na foto:
Hoxe visitounos na biblioteca do colexio Xosé Manuel Fernández Montes “Hermanager” que impartiu un obradoiro de cómic ao alumnado de quinto e sexto de primaria. Foi una actividade moi proveitosa que espertou moito interese entre os nenos e as nenas. Moitas grazas Xosé Manuel! Esperamos que pronto nos visites de novo!
Hoxe houbo en Quiroga unha xuntanza dos habitantes dos castros do territorio. Así, desfilaron pola Rúa Real os castrexos e castrexas de Castro Dares, Castro da Torre, Castro de Vilar e Castro de Penadominga. Ataviados coas súas mellores galas, encheron de colorido a nosa vila.
Podedes ver todas as fotos premendo na imaxe:
Un ano máis a Carreira Solidaria coa ONG Save the Children foi un gran éxito, grazas a xenerosidade das familias do noso alumnado. Hoxe ingresamos no banco 463,30 €. Grazas, grazas, grazas
O alumnado de terceiro e cuarto de primaria, iniciaron o mes de febreiro realizando o roteiro literario pola vila e arredores de Quiroga, acompañados polo director dos museos de Quiroga, Ramón Vila.
O 30 de xaneiro conmemoramos o Día Escolar da Paz e a non Violencia. Prantamos a paz polo cese de todas as guerras.
O pasado decembro o alumnado de primeiro e segundo visitou a casa do concello para ver de cerca como funciona esta institución da man do alcalde José Luis Rivera. Aproveitaron para achegarlle unha petición moi especial ao rexidor local. Así, o alumnado solicitou a colocación de pictogramas en todos os edificios municipais, especialmente nos usados por eles e elas, para facelos máis accesibles. Hoxe chegounos a resposta!
