RECOMENDACIÓNS LECTORAS NADAL 2023

 

ELABORAMOS POSTAIS DE NADAL

Como é tradición elaboramos unhas postais para felicitar as festas de Nadal.

Pero... nesta ocasión quixemos darlles un uso diferente e decidimos que estas postais ían ir destinadas a diversos organismos da zona: o concello de Quiroga, de San Clodio e o de Caurel; o centro de día da Ribeira e as residencias de Quiroga e San Clodio, o IES e a Escola Infantil de Quiroga e os colexios de San Clodio e Caurel.  Aquí vos amosamos o bonitas que quedaron!!! 

XA TEMOS IMAGOTIPO. XORNADA ELECTORAL

Pois xa temos gañador da elección do imagotipo que representará o noso proxecto: “Un territorio con moita historia”. Despois dun proceso electoral democrático no que participou todo o alumnado do colexio… o imagotipo gañador é o de… Leo de sexto.

Aquí deixamos un resumo da xornada electoral. Parabéns a Leo e aos demais deseñadores, todos fixeron un estupendo traballo!!! Parabéns tamén aos membros da mesa electoral!!

PDI: BUSCAMOS UN IMAGOTIPO

No colexio estamos a traballar cun proxecto documental integrado que leva por título “Un territorio con moita historia”. Estamos a buscar un imagotipo para este proyecto. Para iso todos os alumnos e alumnas de quinto e sexto de primaria crearon os seus propios deseños. Todo o alumnado do colexio votará democráticamente, o próximo día 5, cal será o imagotipo que represente o noso proxecto. Estes son os deseños finalistas presentados polos seus creadores.

MURAL DO PROXECTO: UN TERRITORIO CON MOITA HISTORIA

 E así nos quedou o mural colaborativo no que participaron moitos alumnos e alumnas do cole. Neste mural tratamos de recoller o máis relevante da historia do noso territorio.

VISITA A UN MUÍÑO DE ACEITE

 O luns 30 de outubro, o alumnado de terceiro e cuarto de primaria, realizou a primeira das saídas programadas para este trimestre.

Acompañados/as polas titoras e o mestre de EF, visitaron a almazara Ouro de Quiroga, onde coñeceron de primeira man todo o proceso extractivo do AOVE de Quiroga.

Tiveron tamén oportunidade de coñecer dúas oliveiras que hai alí plantadas e que pertencen ás variedades autóctonas "brava" e "mansa".

FESTEXAMOS O SAMAÍN

Coma anos anteriores, dende o cole festexamos o Samaín en colaboración coas familias. 

Este curso, pedimos que os nenos e nenas trouxeran da casa un sombreiro decorado con elementos de Samaín: bruxas, arañas, ollos, morcegos, teas de araña...non faltou detalle. 

Os resultados foron espectaculares. Temos verdadeiros artistas!!! Por suposto miles de grazas ás familias pola implicación. 

Ata o ano que ven Samaín...!! 

OBRADOIRO DE SAMAÍN: AS FAMILIAS COLABORAN COA BIBLIOTECA ESCOLAR

 O luns, día 30 de outubro, Mayte, a nai de Irene de sexto de primaria, levou a cabo un obradoiro de manualidades co alumnado desa aula. Os nenos e as nenas desfrutaron moitísimo e crearon uns adornos moi terroríficos. Moitas grazas Mayte!!

DÍA DAS ESCRITORAS: PRESENTACIÓN DO LIBRO "UNHA ESTRELA PARA AMINA"

 Para conmemorar o Día das Escritoras (17 de outubro) visitou a biblioteca do centro a escritora Celia Díaz Núñez, que presentou ao alumnado de 5º e 6º de primaria a súa obra  "Unha estrela para Amina", que é un fermoso conto contado por unha boneca que conta o que nunca se conta o que nunca se contou. Fala desas guerras invisibles, desas persoa s que están refuxiadas e das que ninguén quere saber.

Celia Díaz Núñez naceu no Páramo (Lugo) `pero pasou toda a súa infancia e xuventude en Quiroga, onde aínda vive a súa familia. Desenvolveu a súa actividade docente en Ourense como profesora de ensino secundario e universitario.  

En Galaxia publicou na colección Literaria a novela Unha verdade amarga e o libro de relatos Corte e confección, e para o público xuvenil as novelas A boca do monte (colección Costa Oeste, finalista do Premio Frei Martín Sarmiento 2016), Rugando, o misterio do cuarto secreto (colección Costa Oeste, Premio Pura e Dora Vázquez 2012) e a obra teatral Unha estrela para Amina (colección Árbore, Premio O Facho de Teatro Infantil 2019).

Publicou ademais a novela xuvenil Adeliña (Premio Pura e Dora Vázquez, 2003) e as obras teatrais Cataventos e cía. (Premio Barriga Verde de textos para teatro de monicreques, 2004), O castelo de Pena Redonda, o máis tolo da contorna (Premio O Facho de Teatro Infantil 2016) e Velaí vai o papaventos (2014).

É tamén autora do libro de pasatempos Restra de letras (2002), do ensaio literario Voces na terra (1995) e de materiais didácticos para a aprendizaxe da lingua galega.

DÍA DAS BIBLIOTECAS: FORMACIÓN DE USUARIOS

A Formación de Usuarios da Biblioteca este curso corre a cargo do alumnado de 5º e 6º de primaria, que nos explican o seu funcionamento a través dun vídeo co que se pretende: dar a coñecer os diversos recursos da biblioteca, formar aos distintos usuarios no manexo das ferramentas que a biblioteca pon a súa disposición e ensinar os diferentes recunchos da biblioteca.

DÍA DAS BIBLIOTECAS: FORMACIÓN LEGAR

 O día 24 de outubro conmemórase o Día das bibliotecas, con este motivo a Biblioteca pública municipal brindou ao noso alumnado a posibilidade de vivir un espectáculo marabilloso a cargo da Fundación Legar. Unha vez máis quedamos encantados coa actuación de Martina e Xavier. Esta actividade foi realizada no ximnasio do colexio, por falta de espazo na biblioteca para acoller a todo o alumnado e foi debida a estreita colaboración entre a nos biblioteca e a biblioteca municipal.

PDI: UN TERRITORIO CON MOITA HISTORIA

Comezamos curso e comenzamos novo proxecto Documental Integrado. Traballaremos a historia do noso territorio desde diferentes puntos de vista.

Este PDI titulado "Un territorio con moita historia" está enmarcado no Plan Proxecta , dentro da liña de actuación Proxecto Terra.

BOLETÍN ACTIVIDADES 1º TRIMESTRE

 

PROXECTO DOCUMENTAL INTEGRADO: UN TERRITORIO CON MOITA HISTORIA

Este curso queremos traballar o noso territorio dende un enfoque histórico a través da pegada dos nosos devanceiros e devanceiras. Traballaremos de xeito transversal todos os conceptos relacionados coa historia da nosa comarca e afondaremos nos espazos e os lugares que habitamos ao longo do tempo para conectalos co noso sentido como pobo.

Como portada do portfolio do alumnado onde recolleran todos os traballos relacionado co PDI. a profe Belén deseñou unha portada que recompila parte do nosa historia.

OBRADOIRO DE MAQUILLAXE ARTÍSTICO E ELABORACIÓN DUN VIDEO CÓMIC

O alumnado de sexto estivo traballando na realización dun video cómic. Crearon e seleccionaron personaxes de cómic, pensaron no vínculo que poderían ter entre eles, elaboraron un guión e as diferentes escenas que terían que gravar, traballaron na caracterización dos seus personaxes, gravaron nun croma, aprenderon un pouquiño sobre a edición de video e, sobre todo, colaboraron entre eles, axudáronse e puxeron ilusión e empeño para lograr un marabilloso produto final. 

Engadimos tamén imaxes do día de caracterización e gravación no que Zeltia de LOAN, acudiu ao cole para facer realidade o soño destes nenos e nenas e conseguir caracterizalos tal e como eles querían. 

VIDEO CÓMIC " SUPERHEROES DE QUIROGA"

COMO SE FÍXO 

OBRADOIRO DE MAQUILLAXE ARTÍSTICO

ESCRITURA CREATIVA DO LIBRO ILUSTRADO " EL LÁPIZ" DE HYEEUN KIM.

Para conmemorar o día do medio ambiente, o alumnado de sexto de primaria escribiu un texto a partires do libro ilustrado " El lápiz". O alumnado apreciou a marabilla de libro da ilustradora coreana Hyeeun Kim, e inspirados polas súas imaxes, moi realcionadas coa natureza, elaboraron unha historia. 

OBRADOIRO DE BORDADO EN ILUSTRACIÓN "TECENDO SOÑOS"

 Alumnas e alumnos de 5º e 6º de educación primaria levaron a cabo un obradoiro de bordado en ilustración, inspirados na artista mexicana Victoria Villasana. Quedamos marabillados co resultado pero sobre todo, co proceso. Foi incrible observar o proceso creativo, onde a colaboración entre eles, a calma, a concentración e a expresión artística foi a tónica destes días de costura. Aquí vos deixamos un video resumo dos resultados e de todo o proceso. 

XORNADA DE ANIMACIÓN CON BRANCA VILLARES

O día 25 de maio visitounos Branca Villares a través dunha actividade organizada pola ANPA. Deleitounos con cantigas e bailes. Desfrutamos moito da súa actuación! Moitas grazas pola túa visita, desexamos que volvas pronto!

DINÁMICA: MÚSICA DE RAÍZ. FUNDACIÓN LEGAR

O alumnado de 5º e 6º de primaria disfrutou na biblioteca dunha animada dinámica a cargo de Martina e Xavier da Fundación Legar, os que lles ensinaron gran variedade de instrumentos musicais que fabricaban os nosos antepasados cos materiais que nos proporciona a natureza. 

Durante esta actividade, os nenos e nenas puideron coñecer máis sobre a música étnica, folk e de patrimonio cultural, grazas a esta entidade formada para difundir, promover e preservar a música de raíz.

Podedes ver as fotos premendo na imaxe

CONSTRUÍMOS CIRCUITOS ELÉCTRICOS

 Na tarde do martes 23 de maio, o alumnado de terceiro e cuarto de EP, realizou un obradoiro para construir un circuito eléctrico seguindo as instrucións dadas por Ángel, pai dun alumno deste centro e técnico electricista de Iberdrola que traballa no encoro de San Martiño.

Ademais de instruirnos en como realizar o circuito, Ángel falounos do seu traballo e como se fabrica enerxía eléctrica coa auga dos encoros dos ríos, neste caso coa auga do río Sil. Moitas grazas Ángel!!

PROBAMOS FROITAS EXÓTICAS

 No cole de Quiroga tivemos a visita de Julio Ferrín, propietario da tenda "As 3 en cunca". Explicou ao alumnado que é o comercio de proximidade, a importancia e o impacto que ten na nosa vila.

Despois ofreceunos unha cata de froitas moi particulares: a pitahaya, a carambola, o tamarindo e o phisalys. O alumnado, ademais de aprender de que pranta ou árbore viñan, probaron todas! E repetiron!

Ata comimos unha flor (de hibisco) que sabía a chuche!

Moitas grazas pola túa visita, Julio!

ENTREGA DE PREMIOS "DÍGOCHO EU"

 Os nosos nenos e nenas coas súas profes estiveron en Santiago, na Cidade da Cultura, recollendo o premio do concurso de vídeos "Dígocho eu". Neste concurso participaban centros de toda Galicia.

Podemos ver as fotos premendo na imaxe: