O NOSO PDI SAE NA PRENSA

 

PDI: MONTAÑAS DE COUREL, UN XEOPARQUE EN VERDE

 MONTAÑAS DO COUREL: UN XEOPARQUE EN VERDE

Chega outubro e con el chega a presentación do noso PDI (Proxecto Documental Integrado)

A situación de emerxencia vivida no final do verán por mor dos incendios en Galicia, e en especial no noso concello, fixo que considerásemos necesario este curso un estudo centrado na unión da educación ambiental, a valoración do patrimonio e a educación física arredor da contorna.

Disto naceu “Montañas do Courel: Un xeoparque en verde”, un PDI onde o alumnado a través de diferentes actividades conseguirá obxectos neste xogo para eliminar as lapas que asolan Quiroga ata deixalo totalmente verde.

Agardamos que vos guste e que entre todos voltemos ao verde!

OBRADOIRO DE REGUEIFAS

O venres, día 26, o alumnado de 5º e 6º de primaria participou, xunto co alumnado do CEIP de San Clodio, nun obradoiro de regueifas organizado polo departamento de normalización lingüística do concello de Quiroga. O obradoiro foi impartido polos regueifeiros: Luís “O Caruncho” e Pinto d’Herbón.

Foi unha actividade, ademáis de didáctica, moi divertida!

BENVIDOS AO GALEGO

GALICIA SABE A MAR

Hoxe xegou ao noso cole a campaña “Galicia SABE a mar” unha iniciativa da Xunta de Galicia para promover o consumo de produtos do mar entre os escolares, facendo que descubran o valor do mar a través da degustación dos mesmos nos colexios. A campaña, que inclúe foodtrucks nos centros, combina educación nutricional coa promoción dos produtos marítimos.

BOOKTRAILER

 

Os nenos e nenas de 4º de primaria están inmersos na realización dun 
booktrailer sobre o libro " Extraño, muy extraño". Levan semanas de preparación seguindo as fases da planificación que realizamos; facer resumos, escoller as escenas a representar, elaborar o storyboard, o guión, vestiario, preparar ao equipo de edición... e ao fin comeza o proceso de gravación que tantas ganas lle tiñamos. Por aquí vai o resultado. Esperamos que vos guste.

PINCHA AQUÍ PARA VELO BOOKTRAILER

OBRADOIRO DE INSTRUMENTOS MUSICAIS

Hoxe visitounos na biblioteca, Xabier, da Fundación Legar, para elaborar, xunto ao alumnado de quinto e sexto de primaria, diferentes instrumentos elaborados con elementos da natureza. Foi unha interesantísima e creativa actividade. Encadrámola dentro do noso proxecto de centro “Un territorio Arte-san”.

VISITA AO CENTRO DE DÍA

O Centro de Día acolleu esta mañá un animado encontro interxeracional ao que acudían alumnos e alumnas do CEIP de Quiroga.

Os alumnos participantes, os de 5º e 6º de primaria, que se achegaron ata o centro acompañados dos seus profesores, foron convidados a unha merenda. Ben merecida despois de ir andando ata o centro de maiores nunha xornada de intensa calor.

E tras repoñer forzas comezouse coa actividade preparada para o encontro. O alumnado adicoulle aos residentes varias cancións que cantaron acompañados polos instrumentos que realizaron recentemente nun obradoiro coa Fundación Legar.

No repertorio musical, todas cancións galegas ben coñecidas, contaron co acompañamento dos maiores que remataron intercambiando papeis e foron os residentes os que lle cantaron aos nenos e nenas “A saia da Carolina” co acompañamento dos máis novos.

Para agradecer a visita, na que a música tradicional uniu xeracións moi distantes no tempo e na educación escolar, agasallos para os alumnos: caramelos e un marcapáxinas elaborado polos usuarios do Centro de Día.

OBRADOIRO DE IMPRENTA CREATIVA

 Hoxe recibimos na nosa biblio unha visita moi especial. Acompañáronnos Cristina e Jean Batiste coa súa "Imprenta Ambulante ou Alouette Machine". Foi unha experiencia única poder realizar un xornal ou cartelería como se facía antigamente nas imprentas, empregando todo o material orixinal que traían con eles. Marabillados quedamos, coma sempre, da creatividade do noso alumnado que elaboraron o " Xornal de Quiroga" con noticias en galego. Ollade!

AS FAMILIAS CONTAN CONTOS

Un ano máis contamos coa colaboración das familias do alumnado de educación infantil que viñeron a contar contos aos máis peques na nosa biblioteca. Esta actividade comezámola na semana do libro no mes de abril e estendeuse ata mediados do mes de maio. O noso agradecemnto ás familias que fixeron tan felices aos nosos nenos e nenas.

PRESENTACIÓN DO LIBRO "A ABOA CANTA COMO A COTOVÍA"

Hoxe visitou de novo o noso colexio a escritora Celia Díaz Núñez. Nesta ocasión foi para falarnos da súa novela "A avoa canta como a cotovía", que o alumnado de 5°e 6° xa tiña lido coas súas titoras na aula e tamén aprendido as cantigas co mestre de música. Unha historia que enganchou ao alumnado e que ten como protagonistas a un neno e a súa avoa enferma de Alzheimer e como a música, as cantigas tradicionais, lle aledan a vida.

Foi apaixoante a lectura desta obra.

Foi un privilexio contar coa presenza da súa autora na nosa biblioteca.

Foi interesante achegarnos ao coñecemento da enfermidade do alzheimer .

Foi fantástico cantar todos xuntos cantigas tradicionais que forman parte do noso patrimonio cultural.

Si, foi realmente emocionante.

En definitiva, pódese afirmar que: " As nosas rapazas e rapaces cantan como a cotovía".

Moitísimas grazas, Celia.

O GALEMÉS

Chegou o día de estrear unha das novidades deste curso! O Galemés

Todos os días do curso dinamizamos o uso da lingua galega no centro pero este maio estará ademais cheíño de actividades para a celebración do galego entre a comunidade educativa: obradoiros, música en directo, teatro, visitas…

3, 2, 1… Comeza o Galemés do CEIP de Quiroga!

SEMANA DO LIBRO

Para conmemorar a Semana do Libro, o alumnado de sexto de primaria preparou unha sesión de contacontos para os nenos e nenas de infantil: na biblio, no patio, ao carón dunha árbore … diferentes espazos do cole nos que os/as máis peques puideron desfrutar dun rato marabilloso cos compañeiras/as maiores. Sen dúbida unha experiencia moi gratificante para ambos grupos!!

CIRCUITOS ELÉCTRICOS

Ver esta publicación en Instagram

Una publicación compartida de Biblioteca CEIP de Quiroga (@biblio_ceipdequiroga)

ANIMACIÓN Á LECTURA

Onte, na biblioteca, recibimos a visita dun personaxe moi especial a través do conto “El conejo de Pascua y el Bosque de Chocolate”. Escoitamos con moita atención a historia deste coello que traballa moito decorando ovos de chocolate para facer felices as nenas e nenos! Solicitounos a nosa axuda para buscar e decorar os que lle faltaban, xa que tivo un accidente e non lle deu tempo a rematalos este ano. Por suposto todas e todos quixeron participar! No patio tiveron que facer unha búsqueda de ovos de madeira para pintar e de ovos de chocolate para degustar… e vaia sorpresa que nos deixou as súas pegadas no chan!

BOLETÍN DE ACTIVIDADES PARA O TERCEIRO TRIMESTRE

 

VISITA Á RECTORAL DE GUNDIVÓS

O pasado venres o alumnado do primeiro ciclo visitou a Reitoral de Gundivós, onde Elias lles ensinou o proceso de elaboración artesanal da olaría da zona. Foi unha actividade moi interesante na que o alumnado quedou marabillado de ver como o alfareiro elaboraba as pezas no seu torno.

#territorioartesan